O IKFEM Festival Tui – Valença 2025 anuncia a súa 13ª edición e revela a programación e a venda de entradas
O IKFEM Festival Tui – Valença celebrará a súa 13ª edición do 16 ao 20 de xullo, consolidándose como o encontro cultural transfronteirizo de referencia en Europa, tendendo pontes entre España e Portugal. Un ano máis, as cidades de Tui (en Galicia) e Valença (en Portugal) convértense nun escenario compartido de música, arte e cultura.
Este ano, o IKFEM Festival Tui – Valença propón unha programación sorprendente e diversa que une tradición e vangarda a través de concertos, encontros profesionais e actividades para todos os públicos, enchendo os espazos máis emblemáticos a ambas marxes do río Miño.
A programación completa estará dispoñible na web oficial do festival: www.ikfem.com e e a venda de entradas na web Ataquilla.
Nesta edición, o IKFEM Festival Tui – Valença reforza a súa misión de conectar culturas, países e xeracións a través da música, apostando pola inclusión e a unión transfronteiriza.
CONCERTOS
| 16/07/2025 | Gala CaixaSon & Antonio Orozco & Rita Rocha – 10€ | Fortaleza de Valença | 21:30H (PT) |
| 17/07/2025 | Milhanas coa colaboración especial de Fillas de Cassandra – 10€ | Fortaleza de Valença | 21:30H (PT) |
| 18/07/2025 | James Rhodes – 20€ | Alameda de Tui | 22:30H (ES) |
| 19/07/2025 | Concurso Novas Ondas Sonoras – Gratuito | Alameda de Tui | 18:00H (ES) |
| 19/07/2025 | Rock en familia: I Love Rock & Roll – 10€ | Alameda de Tui | 21:30h (ES) |
| 20/07/2025 | Boreal: Perico Sambeat & Orquesta Jazz Matosinhos – 10€ | Fortaleza de Valença | 21:30H (PT) |
En todos os concertos haberá dispoñible unha barra con bebidas frías, pensada para que o público poida refrescarse e gozar aínda máis da experiencia musical. En pleno verán, esta proposta busca fomentar un ambiente distendido, ideal para compartir con amigos, brindar e conectar coa música nun entorno agradable.
IKFEM Festival Tui – Valença conta coa colaboración de Cervezas Alhambra, que, no ano do seu centenario, apoia este festival reafirmando o seu compromiso coas experiencias únicas que invitan a desfrutar sen presa, adicándolle a cada momento o tempo que merece.
ACTIVIDADES
-Acceso gratuíto-
16/07/2025 | Foro CaixaSon: inclusión mediante a cultura como ferramenta de transformación social Espazo Sociocultural Camilo José Cela (Tui) 10:00h ES |
17/07/2025 | Curso sobre Metodoloxía Musical inclusiva impartido por Paco Borro – Día 1 Espazo Sociocultural Camilo José Cela (Tui) 10:00h ES Balcón IKFEM: diálogos con Milhanas & Fillas de Cassandra Valença (lugar por determinar) 19:30h ES |
18/07/2025 | Curso sobre Metodoloxía Musical inclusiva impartido por Paco Borro – Día 2 Espazo Sociocultural Camilo José Cela (Tui) 10:00h ES Balcón IKFEM: diálogo con James Rhodes Tui (lugar por determinar) 19:30h ES |
19/07/2025 | Final do concurso de talentos Novas Ondas Sonoras Alameda de Santo Domingo – 18:00h ES |
20/07/2025 | Balcón IKFEM: diálogos con Perico Sambeat & Orquesta Jazz Matosinhos Valença (lugar por determinar) 19:30h ES |
